اي كلام

الــثــريــــا · 10-31-2008, 05:05 PM

طبعا سويسرا منشرتش الرسوم المسيئة للرسول صلى الله عليه وسلم وطبعا محتلش العراق مع امريكا ومبعتتش عساكر هناك دى حتى معندهش جيش وطبعا مسعدتيش اسرئيل فى احتلالها لفلسطين ورغم كل ده احنا اعلنا الحرب عليها عشان اللى عملتوا حاجة خطيرة جدا جدا جدا
الموضوع وما فيه سويسرا خطفت الحضرى يا رجالة وهو الخاين والعميل والمتمرد وكام لقب كمان راح لهم برجله وكمان اللى اكتر من كده كتب للفيفا بيقولهم انه عايز يلعب للسيون اتصورى معايا المصيبة الحضرى ساب الاهلى وعشان كل المصايب اللى عملها الحضررى دى وبعتبره الخاين الاواحد والعميل الاول مفيش مانع ابدا اننا فى خطتنا للحرب نحرق صورته او فانلته
وخطة المعركة هتقوم على 3 محاور رئيسية واتنين فى وسط الملعب وطبعا ابوتريكة تحت راسين الحربة
المحور الاول:ا
وده دور رجال الاعمال الحرامية والحرامية بس اللى بلا اعمال وكبارات البلد اللى مهربين فلوسنا ومخبينها فى حسابات سرية فى سويسرا الناس دول دورهما فى المعركة مهم ورئيسى وهو انهم هيسحبوا فلوسهم كلها من سويسرا ومحدش منهم يقلق احنا مش هناخد الفلوس دى منه لا سمح الله ولا حتى هنرجعها لمستحقيها ابدا والله احنا بس عايزينهم يتعملوا الادب وطبعا مقصدش رجال الاعمال الحرامية وانما اقصد سويسرا وبكده هنفلسهم وهنخليهم يقعدوا حطين ايديهم على خدهم وخلى الحضرى بقه يشوف مين هيقبضه, ويا حبذا لو الاخوة العرب الامراء والكلمة مفرداها امير وامير بتتقل عندنا فى مصر على كل رجل طيب يسحبوا برضه فلوسهم المتاستكة فى سويسرا وبكده هتنامى من المغرب يا سويسرا
المحور التانى:ا
وهنا دور قوى الشعب العاملة والعاطلة على حد سوا كل واحد وليه دوره نبدا بقوى الشعب العاطلة على اعتبر انهم الاكتر فى مصر ومش اقصد الاكتر فى العدد لا سمح الله انما اقصد الاكتر فى حب الاهلى وسخطهم على سيون ودول دورهم بينقسم لعدة مستويات حسب مستوهم الثقافى والتكنولوجى
ارباب الانترنت دول طبعا هيولعوا الفيس بوك على الحضرى وسويسرا وعايزهم بقه يعملوا كام صورة للحضرى كده وهو على شكل مصاص دماء مرة وهو على شكل واحد صاحب فرن مرة الصور المرعبة دىوعايزهم طبعا على الياهوو يبعتوا المسجات الدورية فى قت كل اذان عشان الناس تدعى على سويسرا وبنوكها قصدى وانديتها, وكمان عايزهم على اليوتوب يحطوا فيديوهات للرقصات الخليعة للحضرى وكمان صور البطيخ اللى كان بيرميه فى الماتشات والنبى مش احنا اوله بالبطيخ ده
الجزء التانى ارباب الفضائيات وعالم المحمول والسموات المفتوحة
ودول عايزهم ميسبوش برنامج بيتكلم عن الحضرى او سويسرى الا ويشتركوا فيه ومفيش مانع انهم يقولوا ان سويسرا هى السبب فى اننا مش لاقيين رغيف العيش والحضرى هو السبب ان الزيت غلى لانه لما هرب على سويسرا خده معه كرتونين زيت وعايز بتوع الموبيلات فى كل القنوات على شريط التشات اللى تحت ده مبيطلوش دعاء وشتيمة فى سويسرا
وبكده العامل النفسى للحرب يكتمل
اما الجماعة الفاضيين والطلبة بتوع الجامعة مفيش مانع انهم يعملوا مظاهرة ولا اتنين قدام سفارة سويسرا تتطالب بعودة الحضرى وتعويض امير عبدالحميد
وعايز السواد الاعظم من الشعب محدش منهم يقف فى طابور عيش ولا يشترى اكل مش عشان الاسعار مولعة لا طبعا عشان يمكن لما الحضرى يعرف اننا عاملين اضراب عشانه يرجع لينا تانى
اما المحور الثالث :ا
وده هيلعب فيه حسام عاشور واحمد فتحى وابو جلبان وبكده نبقى قفلنا المرمى تماما

لا اقدر على التعليق سوا ان التخاذل والتهاون في اهم القضايا اصبح يسحبنا الى الهاويه لا حول ولا قوة إلا بالله العلى العظيم. أين نحن من زمن وا معتصماه ؟ أين نحن من زمن وا إسلاماه ؟ نحن الآن فى زمن المال والشهوات والدنيا والنساء. اللهم لا تسلط علينا من لا يخافك ولا يرحمنا يا رب العالمين. انني لا لااستطيع ان اتفهم لماذا هذا الصمت والتخاذل

بوح الجنون · 10-31-2008, 05:30 PM

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!

للحضري وللمحاور الثلاثة

كان الله بعون عقولنا لثريا

الــثــريــــا · 10-31-2008, 05:44 PM

التخاذل العربي ليس غريب لكن الموافقة هي الغريبة، إعطاء الضوء الأخضر بشكل مباشر لإكمال هذا الموضوع هذه هي العملية الخطيرة ماذا بقي أمامكم أيها العرب؟؟... وأين النخوة والشهامة فيكم؟؟ ... أين أمجادكم التي طالما تغنيتم بها؟؟... لقد بعتم أيها العرب قضيتكم وسلمتم أعناقكم للعدو يفعل بها ما يشاء...و كبلتم أيادي شعوبكم و كممتم أفواههم...
بوح الجنون سلمت وسلم تواجدك وتفاعلك الطيب لاهنت

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري